Start vun den Umeldunge fir déi 20. Editioun vun der NWO
Mir freeën eis, dëst Joer déi 20. Editioun vun der Lëtzebuerger Naturwëssenschaftsolympiad ze organiséieren! Dëse ronne Gebuertsdag mécht d’Editioun fir eis zu eppes ganz Besonneschem mat enger méi grousser Präisiwwerreechung de 4. Mäerz 2027 am Lycée Aline Mayrisch.
D’Umeldunge lafe wéi gewinnt iwwer www.nwo.lu. Matmaache ka jiddereen, deen um oder nom 1. Januar 2010 gebuer ass.
An dräi Ronne siche mir déi zwou bescht Ekippe mat jee dräi Schülerinnen a Schüler. Si däerfen Lëtzebuerg op der EOES 2027 zu Sofia a Bulgarien vertrieden.
