Lëtzebuerger

Naturwëssenschaftsolympiad

D'Lëtzebuerger Naturwëssenschaftsolympiad ass eng wëssenschaftlech Competitioun fir Schülerinnen a Schüler déi säit 2008 duerchgefouert gëtt. Zanterhier hunn iwwert 15.000 Schülerinnen a Schüler deel geholl.

D'Lëtzebuerger Naturwëssenschaftsolympiad gëtt an 3 Ronnen ausgedroen. An der Qualifikatioun ginn Froen zur Biologie, der Chimie an der Physik mat verschiddenen Äntwertméiglechkeete gestallt. An der  Halleffinale ginn theoretesch Froen zu wëssenschaftleche Versich gestallt. An der Finale geet et drëm, an Equipë vun dräi Schüler naturwëssenschaftlech Versich duerchzeféieren. Déi sechs beschte Schüler qualifizéieren sech fir déi europäesch Naturwëssenschaftsolympiad (EUSO).

Vum 7ten bis den 14te Mee 2017, gëtt déi europäesch Naturwëssenschaftsolympiad zu Kopenhagen an Dänemark ofgehalen. Méi Informatiounen dozou ënnert www.euso2017.dk

Organisateur sinn d'Associatioun Olympiades luxembourgeoises des sciences naturelles a.s.b.l. an de Ministère de l'Education Nationale, de l'Enfance et de la Jeunesse an Zesummenaarbecht mat der Association des Biologistes luxembourgeois, der Association luxembourgeoise des Physiciens, der Association des Chimistes luxembourgeois an dem Fonds Nationale de la Recherche.

Aktuell Informatiounen zur Naturwëssenschaftsolympiad sinn op eiser Facebooksäit ze fannen: https://www.facebook.com/olympiad.lu

News

28/09/2016 à 21:05

Lancement vun der Editioun 2016/2017

Déi 10ten Editioun vun der Lëtzebuerger Naturwëssenschaftsolympiad ass lancéiert. Ab elo kennt dir iech bei ärem Biologies-, Chimies- oder Physiksenseignant umëllen. Conditioun ass, dat dir nom 31.12.1999 gebuer sidd.

25/02/2016 à 22:26

D'Resultater vun der Editioun 2016 sinn do

Bei der Remise des prix den 23.02 sinn d'Gewënner vun der Editioun 2016 bekannt gemaach ginn. D'Plazéierungen an der Finale fannt dir héi: http://www.nwo.lu/olympiad-2016/Resultater-Finale-2016.aspx
An der Rubrik "Olympiad 2016" fannt dir och d'Aufgaben an de Video vun der Finale.

16/12/2015 à 22:46

Resultater vun der Halleffinale

D'Resultater vun der Halleffinale sinn online!!! Déi 24 bëscht vun den 70 Halleffinalisten hunn sech fir d'Finale den 16.02.2016 qualifizeiert. Héi sinn d'Resultater ze fannen.

03/12/2015 à 23:51

Resultater vun der Qaulifikatiounsronn

Nodeems de Jury d'Äntwerten vun den 2109 Schülerinnen a Schüler aus 32 Lycéen ausgewert huet, stinn déi 77 Halleffinaliste fest. Déi offiziell Resultater kann een sech hei ukucken.

13/11/2015 à 21:45

2190 Schüler hunn un der Qualifikatiounsronn deel geholl

Den 12. November war d'Qualifikatiounsronn vun der 9. Lëtzebuerger Naturwëssenschaftsolympiad. 2190 Schüler hunn un der Epreuve deel geholl. D'Froen an d'Opléisungen fannt dir héi.
D'Resultater wäerten fir Ufank Dezember disponibel sinn.
 
Affiche édition 2016 Rückblick

Bouton inscription Bouton